ಯಾದ್ ತುಜಿ

ಮೊಗಾ ತುಕಾ ಥಾಂಬೊನ್ ಆಸಾಂ

ಕಾಳ್ಜಾಕ್ ತುಜ್ಯಾ ವೆಂಗೊನ್ ಆಸಾಂ

ಮತ್ ಹುಮೆದಿನ್ ನಾಂ ಅತಾಂ

ರಾಕುನ್ ಆಸಾಂ ಯೆಣ್ಯಾಕ್ ತುಜ್ಯಾ

ಆಪ್ಟಾತಾ ಯಾದ್ ತುಜಿ, ನಿಷ್ಕಪಟ್ ಕಾಳ್ಜಾಕ್ ಮಜ್ಯಾ

ಸಲ್ವಾತಾತ್ ದೊಳೆ ಮ್ಹಜೆ,ಮೊಗಾ ಲಾರಾಂಕ್ ಚೊವುಂಕ್ ತುಜ್ಯಾ

ಭಿಯೆನಾಕಾ, ಲಜೆನಾಕಾ

ಫುಡ್ಲೆಂ ಚಿಂತಾಪ್ ತುಕಾ ನಾಕಾ

ಮಾಕಾಚ್ಚ್ ತುಕಾ ದಿತಾಂ, ನಾಂ ಮ್ಹಣಾನಾಕಾ

ಕಾಳ್ಜಾಕ್ ಮಜ್ಯಾ ರಡಾಯ್ನಾಕಾ

ಚಿಂತ್ನಾಂತ್ ತುಜ್ಯಾ ಸುಜಾಯ್ನಾಕಾ

ಪಾಟಿಂ ಯೇ ಗೊಪಾಂತ್, ತುಂ ಜಾಯ್ ಮ್ಹಾಕಾ

ಸೊಭಾಯೆಕ್ ಪಿಸೊ ಜಾಲೊಂ

ಸುರ್ಯಾಕ್ ಚ್ಚ್ ತೆಂಕೊಂಕ್ ಗೆಲೊಂ

ಮೊಡಾಂ-ಆಸ್ರ್ಯಾಂ ಧಾಂಪ್ಣ್ಯಾ ಸಮೊರ್

ಸುರ್ಯಾಕ್ ಮ್ಹಜೊ ವಿಸರ್ ಪಡ್ಲೊ

ರಾತ್ ರಡೊನ್ ಪಾಶಾರ್ ಕೆಲೆಂ, ಸಾಕಾಳ್ ಚ್ಚ್ ರಾಕುನ್ ರಾವ್ಲೊಂ

ಕಿರ್ಣಾಂ ತಾಚಿಂ ಕುಡಿರ್ ಖಂಚ್ತಚ್, ಜಿವಾಂತ್ ಮ್ಹಜ್ಯಾ ಹಾಸೊ ಫಾಂಕ್ಲ್ಯೊ

ಪರತ್ ಯೇಗೊ ಜಿಣ್ಯೆಂತ್ ಮ್ಹಜ್ಯಾ

ಸಾಕಾಳ್ ಜಾಗೊ ಸುರ್ಯಾ ಆಂಜಾ

ಅಸ್ತಾಮ್ತೆ ಕುಶಿನ್ ತುಂ ದೆಖೊನಾಕಾ

ಸಾಂಗಾತ್ ದಿತಾಂ ಕಾಳ್ಜಾಂತ್ ಮ್ಹಜ್ಯಾ

ಮಾರ್ ಯಾಂ ಆಮಿ ಮೊಗಾ ಮಜ್ಹಾ

ಸಂಭ್ರಾಮಾಚೊ ಫುಲಯ್ ಗುಲೊಬ್, ಬಾವಾಯ್ನಾಕಾ

- ಡೆರಿಕ್ ಮಚಾದೊ, ನಿರ್ಮಾರ್