ಮಮ್ಮಾ ....ಮಮ್ಮಾ

ಮಮ್ಮಾ ಮ್ಹಜಿ ಕಿತ್ಲಿ ಬರಿ
ಪಳೆಂವ್ಕ್ ತಿ ಗಾಯ್‌ಚ್ಯಾ ದುದಾ ಬರಿ
ಘರಾಂತ್ ತಿ ಸದಾಂಚ್ ಚಿರಿಪಿರಿ
ಬಸುನ್ ಶಿಕಯ್ತಾ ನಮಾನ್ ಮರಿ

ಮಮ್ಮಾ ಮ್ಹಣುನ್ ಹಾಂವ್ ತಿಕಾ ಆಪಯ್ತಾಂ
ಪುಣ್ ಮ್ಹಾಕಾ ತಿ ಸದಾಂ ಮಾಗ್ಣೆಂಚ್ ಶಿಕಯ್ತಾ.
ತಿಚೆ ಥಂಯ್ ಆಸಾತ್ ಪವಿತ್ರ್ ಅತ್ಮ್ಯಾಚಿಂ ಸಾತ್ ದೆಣಿಂ
ದೆಕುನ್‌ಚ್ ತಿಚ್ಯಾ ಹಾತಾಂತ್ ಆಸಾ ಕೊಂತಾಚಿ ಮಣಿ.

ಹಾಂವ್ ತಿಕಾ ಧೊಶಿ ಕರ್‍ನ್ ಆಸ್ತಾನಾ
ಸೊಸ್ಣಿಕಾಯೆನ್ ಮ್ಹಾಕಾ ತಿ ಭೊಗ್ಶಿತಾ
ಹಾಂವ್ ರಡ್ತಾನಾ, ಖಂತಿಶ್ಟ್ ಜಾತಾ
ಧಯ್ರ್ ದೀವ್ನ್ ಮ್ಹಾಕಾ ತಿ ಮೊಗಾನ್ ವೆಂಗ್ತಾ.

ಕಾಣಿಯೊ ತಿ ಮ್ಹಾಕಾ ಚಿಂತುನ್ ಸಾಂಗ್ತಾನಾ
ನೀದ್‌ಚ್ ಪಡ್‌ಲ್ಲಿ ಕಳಾನಾ
ಸಕಾಳಿಂ ಮ್ಹಾಕಾ ಉಠಯ್ತಾಸ್ತಾನಾ
ರಾತಿಚೊ ವೇಳ್ ಪಾಶಾರ್ ಜಾಲ್ಲೊಚ್ ಸಮ್ಜಾನಾ

ತಿ ನಾಸ್ತಾಂ ಆಮ್ಕಾಂ ಜಾಯ್ನಾ
ಜೆವಾಣ್ ಜಿಬೆಕ್ ರುಚಾನಾ
ಮಮ್ಮಾ ತಿ ಆಮ್ಚಿ ಮೊಗಾಚಿ ಮಾಯ್
ಮಾಗ್ಣೆಂ ತಿ ಕೆದಿಂಚ್ ಚುಕಯ್ನಾ.

                       -Sunil D'Souza (sevok.com)